गणेशोत्सव, ईद – ए – मिलाद पार्श्वभूमीवर पोलीस विभागातर्फे सलोखा राखण्यासाठी शांतता कमिटीची सभा!
खामगाव- आपलं बुलढाणा जिल्हा बातमी-भागवत राउत :- आगामी गणेशोत्सव व ईद-ए-मिलाद उत्सवाचे पार्श्वभूमीवर धार्मिक, जातीय सलोखा वृद्धिंगत करण्यासाठी पोलीस विभागाच्या वतीने स्थानिक राष्ट्रपिता महात्मा गांधी सभागृह येथे २६ सप्टेंबर रोजी सायंकाळी ७ वाजता शांतता समितीची सभा पार पडली. या सभेच्या अध्यक्षस्थानी आमदार एड आकाश फुंडकर होते तर उपविभागीय अधिकारी डॉ. रामेश्वर पुरी, अप्पर पोलीस अधीक्षक अशोक थोरात, उपविभागीय पोलीस अधिकारी विनोद ठाकरे, परिविक्षा दिन उपविभागीय पोलीस अधिकारी पाटील ,तहसीलदार अतुल पाटोळे, नगर पालिका प्रभारी मुख्याधिकारी जयश्री काटकर मंचावर उपस्थित होते. यावेळी गणेशोत्सव व ईद-ए-मिलाद हे उत्सव शांततेत व आनंदाने साजरे करावे याबाबत मार्गदर्शन करण्यात आले. यावेळी शहर पोलीस स्टेशनचे ठाणेदार शांतीकुमार पाटील, शिवाजीनगर पोलीस स्टेशनचे ठाणेदार अरुण परदेशी, ग्रामीण पोलीस स्टेशनचे ठाणेदार सुरेश नाईकनवरे, माजी आमदार दिलीपकुमार सानंदा, अमोल अंधारे, रामदादा मोहिते, देवेंद्र देशमुख, ओंकारआप्पा तोडकर, गजाननराव देशमुख, कमरुजम्मा,अशोक ढगे, विजय वानखडे,मुक्तेश्वर कुलकर्णी यांच्यासह शांतता समितीचे सदस्य उपस्थित होते
