महार रेजिमेंट स्थापनेचा वर्धापन दिनानिमित्त बुलढाण्यात सैनिकांच्या सन्मानात मोटारसायकल रॅली..

बुलढाणा-आपलं बुलढाणा जिल्‍हा बातमी: – महार रेजिमेंट स्थापनेचा 83 वा वर्धापन दिन माजी सैनिकांकडून साजरा केला जातोय,यानिमित्त बुलढाण्यात देखील विविध कार्यक्रमाचे आयोजन करण्यात आले आहे, बुलढाण्यात यश सिद्धी सैनिक सेवा संघाच्या वतीने सैनिकांच्या सन्मानात सैनिक सन्मान मोटारसायकल रॅली काढण्यात आलीये. गांधी भवन येथून सैनिक सन्मान मोटारसायकल रॅलीची सुरुवात करून शहरातील स्टेटबँक चौक,तहसील चौक, त्रिशरण चौक होत या रैलीचे समापण विजय नगर येथील महामानव डॉ बाबासाहेब आंबेडकर यांच्या पुतळ्याजवळ करण्यात आले.यावेळी डॉ.बाबासाहेब आंबेडकर यांच्या पुतळ्याला हार अर्पण करून डॉ. बाबासाहेब आंबेडकरांना माजी सैनिकांडून मानवंदना देण्यात आली,दरम्यान रॅलीमध्ये महार रेजिमेंटचा विजय असो,भारत माता की जय च्या घोषणा देण्यात आल्या.