भाजप नेते माजी आमदार विजयराज शिंदे यांच्या गाडीचा अपघात
विजयराज शिंदेसह अन्‍य लोक जखमी अकोला येथे उपचारासाठी हलविले...
गाडीच्‍या एअर बॅगमुळे जनतेच्‍या आशिवार्दाने मोठी दुर्घटना टळली…
बुलढाणा-आपलं बुलढाणा जिल्‍हा बातमी – बुलढाणा विधानसभा मतदारसंघाचे लोकप्रिय माजी आमदार विजयराज
शिंदे यांच्या गाडीचा दि ७ ऑक्‍टोंबर २०२३ रोजी भीषण अपघात झाला आहे. अकोला जिल्‍ह्यातील कुरणखेड येथे अपघात झालाय या अपघातात विजयराज शिंदे यांच्‍यासह अन्‍य लोक जखमी आहे.
विजयराज शिंदे अकोल्‍यावरून अमरावती कडे जात होते. त्‍यावेळी कारंजा वरून अकोल्‍याकडे येणाऱ्या एसटी बस ने त्‍यांच्‍या गाडीला धडक दिली. या अपघातात विजयराज शिंदे यांच्‍यासह ९ जण जखमी झाले आहेत. जखमींना जवळच्‍या रूग्‍णालयात उपचारासाठी हलवण्यात आले आहे. विजयराज शिंदे हे अमरावती येथे खा.भोंडे यांच्या भेटीसाठी निघाले होते. अकोल्‍याच्‍या समोर समोरून येणाऱ्या बसने शिंदे यांच्या कारला धडक दिली. दुसऱ्याच क्षणी कारच्‍या एअरबॅग उघडल्‍याने जीवित हानी टळली. अकोला
दौऱ्यावर असलेले उपमुख्यमंत्री देवेंद्र फडणवीस यांना विमानतळावर सदिच्‍छ भेट घेउन विजयराज शिंदे अमरावतीकडे निघाले होते.सकाळी १२ वाजेच्‍या दरम्‍यान हा अपघात घडला.दरम्‍यान विजयराज शिंदे यांचे अनेक समर्थक अकोलाकडे रवाना झाले आहे.
