नादुरूस्त बस घेऊन जाणाऱ्या एसटीला मालवाहूची धडक

खामगाव :- आपलं  बुलढाणा जिल्‍हा बातमी- खामगाव तालुक्यातील पिंपळगाव राजा परिसरात घडलेल्या विचित्र अपघातात एक चालक ठार तर दुसरा गंभीर जखमी झाला. राहुड फाट्याजवळ आज शुक्रवारी (दि २७) ही दुर्घटना घडली.
सविस्तर वृत्त असे की,भरधाव मालवाहू मिनीट्रकची नादुरूस्त बस दुसऱ्या बसच्या साहाय्याने टोचन बांधून आणत असताना एसटी बसला धडक झाली. या भीषण अपघातात मिनी ट्रकचा चालक ठार झाला. तर एसटीचा चालक गंभीर जखमी झाला. ही घटना खामगाव पिंपळगाव राजा रस्त्यावरील राहूड फाट्यावर शुक्रवारी पहाटे घडली. एसटी चालक अरविंद पंडित दामोदर ३४ रा. जळका भडंग यांनी दिलेल्या तक्रारीनुसार खामगाव आगाराची एमएच ०६ एस ८२५६ क्रमांकाची बस नादुरूस्त झाली होती. ही नादुरूस्त बस दुरूस्तीसाठी खामगाव आगारात एमएच ४० एक्यू ६१३० या एसटीच्या बसच्या साहाय्याने टोचन बांधून खामगावकडे आणत होते.
दरम्यान एमएच ०४ डीएस ८८५५ चा चालक नईम शहा कयुम शहा रा. राजूर ता. मोताळा याने त्याच्या ताब्यातील मिनीट्रक भरधाव व निष्काळजी पणे चालवून नादुरूस्त एसटी बसला धडक दिली. यात गंभीर जखमी होऊन स्वत:च्या मृत्यूस कारणीभूत ठरला. तसेच बसचे ४५ हजार रूपयांचे नुकसान केल्याचा आराेप केला. या तक्रारीवरून पिंपळगाव राजा पोलीसांनी मृतक ट्रक चालका विरोधात भादंवि कलम ३०४ अ, २७९, ३३७, ४२७ अन्वये गुन्हा दाखल केला. पुढील तपास पोलीस करीत आहेत