खामगावात मराठा समाज बांधवांनी एसटी बसेस वरील मुख्यमंत्री, उपमुख्यमंत्री यांच्या फोटोला काळे फासले!

खामगाव(आपलं बुलढाणा जिल्‍हा बातमी): मराठा आरक्षणासाठी सद्या राज्यभर व्यापक लढा लढला जात आहे. मनोज जरांगे यांनी हा लढा सुरू केला आहे.सरकारने ४० दिवसांचा वेळ घेऊनही मराठा आरक्षणासंदर्भात कुठलाही निर्णय घेतला नाही. त्यामुळे मराठा आरक्षणासाठी पुन्हा एकदा मनोज जरांगे पाटील यांनी अंतरवली सराटी येथे आमरण उपोषण सुरू केले आहे. त्यांच्या या उपोषणाला राज्यभरात प्रतिसाद मिळत आहे. मनोज जरांगे यांच्या समर्थनार्थ खामगावात टॉवर चौकात २९ ऑक्टोबर पासून सकल मराठा समाजाच्या वतीने आमरण, साखळी उपोषण सुरू करण्यात आले आहे.आज संतप्त मराठा समाज बांधवांनी खामगाव बस स्टैंड वर बसेस वरील मुख्यमंत्री व उपमुख्यमंत्री यांच्या फोटोला काळे फासले आहे व सरकारचा निषेध केला आहे.