मेहकर बसस्थानकातून चोरट्यांनी महिलेचे ३ लाखांचे दागिने केले लंपास

मेहकर-आपलं बुलढाणा जिल्‍हा बातमी:- स्थानिक बसस्थानकावर बुलढाणा जाणाऱ्या बसमध्ये चढत असतांना दुपारी अडीच वाजेदरम्यान एका महिलेच्या पर्समधील तीन लाखाचे सोन्याचे दागिने चोरीला गेल्याची घटना घडली आहे.
सीमा चव्हाण नामक महिला आपल्या मुलांसह विश्वी येथून भाऊ पंजाब राठोडसोबत मेहकर बसस्थानक येथे आली. महिलेचा भाऊ बुलढाणा जाणाऱ्या बसमध्ये जागा ठेवण्यासाठी आधी बसमध्ये गेला आणि नंतर सदर महिला मुलांसह बसमध्ये चढत असतांना अज्ञात चोरट्याने तिच्या पर्समधील रुमालात बांधलेले ३ लाख रुपये किंमतीचे सोन्याचे ५ तोळे वजनाचे दागिने लंपास केले. त्यात गहूमणी, नेकलेस आदी दागिन्यांचा समावेश आहे. याप्रकरणी मेहकर पोलिसात तक्रार देण्यात आल्यानंतर बस स्थानकातील कॅन्टीनचे सीसीटीव्ही फुटेज पोलिसांनी तपासले. पोलीस चोरट्याचा शोध घेत आहेत.