इन्स्टाग्रामवर आक्षेपार्ह पोस्ट, व्‍हायरल झाल्‍यामुळे  बुलढाणा जिल्ह्यातील बोरी अडगावमध्ये तणाव

खामगाव – आपलं बुलढाणा जिल्‍हा बातमी :- जिल्ह्याच्या खामगाव तालुक्यातील बोरी अडगाव गावातील युवकाने इन्स्टाग्रामवर आक्षेपार्ह मजकूर (पोस्ट) टाकल्याने गावात तणाव निर्माण झाला. गावकऱ्यांनी टायर जाळून व गावबंद करून घटनेचा निषेध नोंदवला. यामुळे पोलिसांचा मोठा फोजफाटा गावात तैनात करण्यात आला असून गावाला छावणीचे स्वरूप प्राप्त झाले आहे.
एका युवकाने इन्स्टाग्रामवर छत्रपती शिवाजी महाराज आणि टिपू सुलतान यांच्या संदर्भात आक्षेपार्ह मजकूर टाकल्याचे  मंगळवारी लक्षात आले. परिणामी गावकऱ्यांत तीव्र प्रतिक्रिया उमटली. गाव बंदचे आवाहन करून रस्त्यावर टायर जाळण्यात आले.
गावामध्ये खामगाव पोलिसांचा मोठा फौजफाटा दाखल झाला असून सध्या तेथे तणावपूर्ण शांतता आहे. सदर युवकाला पोलिसांनी तत्काळ अटक केल्याने तणाव काहीसा निवळला आहे.