खामगाव- आपलं बुलढाणा जिल्‍हा बातमी : राजस्थान मध्यप्रदेश आणि छत्तीसगढ राज्यात विधानसभा निवडणुकीत भारतीय जनता पक्षाला मिळालेल्या यशामुळे बुलढाणा जिल्ह्यातील खामगावात भारतीय जनता पक्षाच्या कार्यालयासमोर कार्यकर्ते व पदाधिकारी यांनी ढोल ताशाच्या निनादात जल्लोष केला. यावेळी फटाक्याची आतिशबाजी करण्यात आली. महिलांनी फुगडी खेळून आनंद व्यक्त केला. लोकांना पेढे वाटण्यात आले. यावेळी आमदार ऍड आकाश फुंडकर यांच्या भाजपचे नेत्यांसहअनेक पदाधिकारी या विजय उत्सवात सहभागी झाले होते.
