तेरा वर्षांच्या अल्‍पवयीन मुलाची गळफास घेऊन आत्महत्या

खामगाव : आपलं बुलढाणा जिल्‍हा बातमी-  अवघे १३ वर्षे वय असलेल्या एका अल्‍पवयीन मुलाने गळफास घेऊन आत्महत्या केल्याची घटना तालुक्यातील हिंगणा कारेगाव येथे उघडकीस आली.परशुराम किशोर पाटोळे असे मृतकाचे नाव असून, तो स्वतःच्या राहत्या घरी मंगळवारी दुपारी गळफास घेतलेल्या अवस्थेत आढळून आला. या घटनेची माहिती मिळताच नातेवाइकांनी त्याला सर्वोपचार रुग्णालयात आणले. तेथे डॉक्टरांनी तपासणीअंती मृत घोषित केले. त्यानंतर त्याच्या पार्थिवाचे विच्छेदन करण्यात आले. याप्रकरणी शहर पोलिसांनी आकस्मिक मृत्यूची नोंद केली आहे. दरम्यान, या मुलाने आत्महत्या का केली, याचे निश्चित कारण समजू शकले नाही.