शेतकऱ्यांनी ई पिक पाहणी करून घ्यावे.. उपविभागीय अधिकारी. प्रा. संजय खडसे.
सिंदखेडराजा:- आपलं बुलढाणा जिल्हा बातमी*:- निलेश दिघोले:– दिनांक १ ऑगस्ट २०२४ पासून खरीप हंगाम 2024 करिता शेतकऱ्यांनी आपल्या शेतातील पिकाची ई पीक पाहणी करून घ्यावी असे आवाहन सिंदखेड राजाचे उपविभागीय अधिकारी प्राध्यापक संजय खडसे यांनी केलेले आहे.शेतकरी यांनी आपल्या शेतामध्ये जे पीक पेरले आहे त्या पिकाची नोंदणी ई पीक पाहणी ॲपद्वारे करावे.
खरीप पीक हंगामाची तारीख 15 सप्टेंबर पर्यंत असून यानंतर रब्बी हंगाम सुरू होणार असल्याने खरीप हंगामासाठी मुदत वाढ मिळणार नाही.सर्व शेतकर्यांनी ई पीक पाहणी करून घ्यावी.ई पीक पाहणी न केल्यास यानंतर आपणास नैसर्गीक आपत्ती अनुदान, पीक विमा तसेच त्यासंबंधी शासनाचे लाभ ई पीक पाहणीच्या आधारे मिळणार आहेत याची नोंद घ्यावे. शासनाने वेळोवेळी जाहीर केलेली मदत ही “ई पीक पाहणी” च्या आधारे दिल्या जात आहे. .यापुढील अनुदान सुद्धा हे “ई पीक पाहणी”च्या आधारा वर दिल्या जाणार आहे.याची सर्व शेतकरी बांधवांनी नोंद घ्यावी त्यामुळे सिंदखेडराजा उपविभागामधील सर्व शेतकऱ्यांनी ई पिक पाहणी करून घ्यावी असे कळकळीचे आवाहन सिंदखेड राजाचे उपविभागीय अधिकारी प्रा.संजय खडसे यांनी केलेले आहे.
