जो कोणी राहुल गांधी यांची जीभ छाटेल त्याला 11 लाखाचे बक्षीस :- आमदार संजय गायकवाड
बुलढाणा ( आपलं बुलढाणा जिल्हा बातमी) शिवसेना शिंदे गटाचे आमदार संजय गायकवाड यांनी पुन्हा एकदा वादग्रस्त विधान केले काँग्रेस नेते राहुल गांधीवर घणाघाती अशी विखारी टीका केली. काँग्रेस नेते राहुल गांधी यांनी अमेरिकेत आरक्षण समाप्त होईल या संदर्भात केलेल्या विधानावरून आमदार गायकवाड चांगलेच भडकले असून ‘राहुल गांधी यांची जीभ जो कोणी छाटेल त्याला 11 लाखांचे बक्षीस देण्याची त्यांनी आज दिनांक 16 सप्टेंबर रोजी पत्रकार परिषदेत गायकवाड यांनी घोषणा केली.
आज आमदार संजय गायकवाड यांनी बुलढाणा येथील त्यांच्या मातोश्री कार्यालयात पत्रकार परिषद बोलवली होती.पत्रकार परिषदेत आमदार संजय गायकवाड यांनी टोकाचे विधान केले.आमदार गायकवाड हे नेहमीच वादग्रस्त वक्तव्यामुळे राज्यभर चर्चेत असतात. सध्या विधानसभा निवडणुकीच्या पार्श्वभूमीवर एकमेकांवर आरोप प्रत्यारोप व चिखल फेक करण्यात येत आहे.राजकीय नेते एकमेकांची धुणे धुताना दिसून येत आहेत.सोयीच्या राजकारणासाठी विरोधकांवर टीका टिपणी करणे आता नवीन राहिलेले नाही.शिंदे गट शिवसेना काँग्रेसवर हल्लाबोल करताना सर्वत्र दिसून येत आहे.दरम्यान आमदार संजय गायकवाड यांनी देखील बुलढाण्यात काँग्रेस नेते राहुल गांधी यांच्यावर जहरी टीका केली.
