जयश्रीताईचे बुलढाण्यात जल्लोषामध्ये स्वागत

बुलढाणा आपलं बुलढाणा जिल्हा बातमी :- बुलढाणा विधानसभा मतदारसंघाच्या महाविकास आघाडीच्या अधिकृत उमेदवार म्हणून जयश्रीताई शेळके, शिवसेना (उबाठा) यांना पक्षप्रमुख उद्धवजी ठाकरे साहेब यांनी ए बी फॉर्म दिलाय.त्या मुंबईवरून आज बुलढाण्यात पोहचल्या असता,चिखली रोडवरील ताईच्या जनसंपर्क कार्यालयाजवळ त्यांच्या समर्थकांनी एकच गर्दी केली.ढोल ताशांच्या गजरात त्यांच्या उबाठा शिव सेना उमेदवारीचे स्वागत करण्यात येत आहे. ताईंच्या ‘हाती’ ‘मशाल!’ आल्यामुळे बुलढाणा विधानसभा मतदारसंघात आनंदाची लाट उसळली. या उमेदवारीसाठी मुंबईत ठाणे मांडून बसलेल्यांनी देखील त्यांना समर्थन दिल्याचे समजत आहे.

आगामी विधानसभा निवडणुकी करिता ताईंची तिकीट फायनल असल्याची माहिती त्यांच्या समर्थकांना मिळाल्याने प्रतीक्षेत असलेल्या आज त्यांच्या चाहत्यांनी ताईच्या जनसंपर्क कार्यालय समोर त्यांना शुभेच्छा, अभिनंदन व आशीर्वाद देण्यासाठी मोठी गर्दी केली आहे.