बुलढाणा विधानसभा निवडणुकीच्या रिंगणातून विजयराज शिंदे यांनी घेतला माघार….

बुलढाणा:- आपलं बुलढाणा जिल्हा बातमी:- राज्यात विधानसभेचे रणसंग्रामाचे वातावरण चांगले तापलेले आहे. संपूर्ण जिल्हा वासियांची लक्ष आज लागलेले होते तो महत्त्वपूर्ण निर्णय आज सगळ्यांसमोर आलेला आहे. महायुतीचे उमेदवार संजय गायकवाड व भाजपचे नेते विजयराज शिंदे यांच्यामध्ये शाब्दिक युद्ध सुरू होते. मात्र आज अखेर भाजप नेते विजराज शिंदे यांनी आपला उमेदवारी अर्ज मागे घेतला आहे. विजयराज शिंदे हे आज आपला उमेदवारी अर्ज मागे घेतील की नाही अशा चर्चा मोठ्या प्रमाणात सुरू होत्या. मुंबई येथे मुख्यमंत्री एकनाथ शिंदे उपमुख्यमंत्री देवेंद्र फडवणीस अजितदादा पवार प्रदेशाध्यक्ष चंद्रशेखर बावनकुळे यांची भेट घेऊन चर्चा करण्यात आली होती त्याच बैठकीत युती सोबत काम करण्याची सूचना विजयराज शिंदे यांना देण्यात आल्या. विजयराज शिंदे यांनी पदाधिकाऱ्यांसमोर आपल्या भावना व्यक्त केल्या. मी पक्षाची शिस्त पाळणारा कार्यकर्ता आहे त्यामुळे हा पक्षाचा निर्णय माझा अंतिम राहील. विजयराज शिंदे यांनी सांगितले की मी पक्षाकडे मैत्रीपूर्ण लढतीची परवानगी मागितली होती प्रदेशाध्यक्ष बावनकुळे देवेंद्र फडवणीस व एकनाथ शिंदे तसेच अजित पवार यांच्यासोबत आमची मुंबईत चर्चा झाली.मुख्यमंत्री एकनाथ शिंदे यांनी भाजपच्या नेत्यांचा अवमान आमच्या उमेदवाराकडून होणार नाही असा शब्द दिला आहे, त्यामुळे पक्षाचा आदेश  मानून मी उमेदवारी अर्ज मागे घेत असल्याचे ते म्हणाले. विधानसभा निवडणुकीच्या काळात मी अमरावती जिल्ह्यातील अचलपूर, तिवसा व मोर्शी या मतदारसंघात पक्षाचे काम करण्यासाठी जाणार असल्याचे विजयराज शिंदे म्हणाले.

विजयराज शिंदे यांनी त्यांच्या निवासस्थानी पत्रकार परिषद घेत उमेदवारी अर्ज मागे घेत असल्याचे जाहीर केले.यावेळी भाजप जिल्हाध्यक्ष डॉ. गणेश मांटे देखील उपस्थित होते.