परभणी येथे पोलीस कोठडीत झालेल्या हत्याच्या निषेधार्थ जिल्हाधिकारी कार्यालयासमोर एकदिवशीय धरणे आंदोलन…
बुलढाणा-आपलं बुलढाणा जिल्हा बातमी:- परभणी येथे महामानव डॉ बाबासाहेब आंबेडकर यांच्या पुतळ्यासमोरील भारतीय संविधानाच्या उद्देशिकेचे एका विकृत बुद्धीच्या व्यक्तीने तोडफोड केली होती. या घटनेच्या निषेधार्थ परभणी येथे निघालेल्या मोर्चेक-यांवर पोलीस प्रशासनाच्या वतीने मोठ्या प्रमाणात अमानुषपणे लाठीचार्ज करण्यात आला अनेकांची या प्रकरणात धरपकड पोलीस प्रशासनाकडून करण्यात आली त्यामध्ये लॉ कॉलेजमध्ये शिकत असलेल्या सोमनाथ सूर्यवंशी या विद्यार्थ्याला दगडफेकीच्या प्रकरणात अटक करण्यात आली. न्यायालयाकडून ज्या भीमसैनिकांना अटक करण्यात आली होती त्यांना 14 दिवसाचा पीसीआर देण्यात आला होता पोलीस कोठडीतच सोमनाथ सूर्यवंशी याचा मृत्यू झाला. हा सोमनाथ सूर्यवंशी यांचा मृत्यू नसून हा पोलीस प्रशासनाच्या मारहाणीमुळे त्यास पोलीस प्रशासनाने पोलीस कोठडीत डांबून मारहाण केल्याने आणि त्याची एक प्रकारे हत्या केली असल्याचे स्पष्ट दिसून येते असे या निवेदनात दिलेल्या माहितीनुसार आहे. ज्या पोलीस अधिकाऱ्यांनी सोमनाथ सूर्यवंशी याला मारले आहे व त्याची हत्या केली आहे त्यांच्यावर मनुष्यवधाचा गुन्हा तत्काळ दाखल करण्यात यावा व घडलेल्या प्रकरणाची सखोल चौकशी व्हावी यासाठी जिल्हाधिकारी कार्यालय समोर आज दिनांक 17 डिसेंबर रोजी लोकशाही व शांततेच्या मार्गाने एक दिवसीय धरणे आंदोलन करण्यात आले आहे.
या धरणे आंदोलनाला उ.बा.ठा शिवसेना नेत्या जयश्रीताई शेळके, काँग्रेस शहराध्यक्ष काकास राष्ट्रवादी शरद पवार गटाचे शहराध्यक्ष अनिल बावस्कर,उ.बा.ठा शिवसेना नेते आशिष बाबा खरात, वंचित बहुजन आघाडीचे शहराध्यक्ष मिलिंद वानखेडे, महामानव ग्रुपचे अध्यक्ष सुमित गायकवाड ,विनोद गवई, राजू सरदार ,मनोहर आराख, जिजाबाई आराख, वंदना गायकवाड शीला गवई, शोभा जाधव चंदा मिसाळकर साधना बोर्डे, सागर जाधव यासह असंख्य समाज बांधव या धरणे आंदोलनाला उपस्थित होते.
