2024 संपले असून 2025 मध्ये सर्व नागरिकांनी सायबर गुन्हेगारांपासून सावधान रहा

डोणगाव : आपलं बुलढाणा जिल्हा बातमी:- 2024 मध्ये सायबर गुन्ह्यांमध्ये वाढ झाली असून नवीन वर्षा निमित्त 2025 ला सर्व नागरिकांनी सायबर गुन्ह्यापासून सावध राहावे
गेल्या काही दिवसांपासून सायबर क्राईमच्या घटनेत वाढ होत आहे. त्यातच आता काही सायबर चोर बँकेचे अधिकारी, पोलीस अधिकारी असल्याचे सांगत फसवणूक करत आहेत. यामुळे पोलिसांकडून वारंवार सतर्क राहण्याचे आवाहन केले जात आहे. पण जर तुम्ही सतर्क राहिला नाहीत, तर मोठी फसवणूक होऊ शकते.

२०२४ हे वर्ष संपले असुन. यातच गेल्या वर्षीचे अनेक व्हिडीओ सोशल मीडियावर व्हायरल होत आहेत. डोणगाव येथून जवळच असलेल्या शेलगावदेशमुख येथील एकजण सायबर गुन्ह्याचा शिकार होता होता वाचला आहे. एका स्कॅमरने स्वतःला पोलीस अधिकारी असल्याचे रविवारी सकाळी दहाच्या दरम्यान सांगत कॉल केला.

यावेळी तो सायबर चोर त्याच्याकडून माहिती घेण्याचा प्रयत्न करत होता. मात्र त्याच्याहुशारीमुळे तो बचावला आणि स्कॅम करणाऱ्याचा गुन्हा उघडकीस आला. सदर घटनेची माहिती डोणगाव पोलीस स्टेशनचे ठाणेदार अमरनाथ नागरे यांना दिली असता तुमच्या सतर्कतेमुळे मोठी फसवणूक टळली असल्याची म्हटले तर सर्वच नागरिकांनी ऑनलाईन फसवणुकी संदर्भात व अनोळखीच्या व्यक्तींची सोशल मीडियावर होणाऱ्या चर्चेदरम्यान गोपनीय गोष्टी तसेच आर्थिक व्यवहाराच्या बाबी सांगु नये व तसेच कोणी अधिकारी म्हणून बोलतात व वेगवेगळ्या गुन्हात तुमचे नाव आले असे सांगून दडपण आणण्याचा प्रयत्न करत असल्यास त्वरित जवळच्या पोलीस स्टेशनची संपर्क साधावा ज्यामुळे आपली आर्थिक फसवणूक होणार नाही असे आवाहनही ठाणेदार अमरनाथ नागरे यांनी नागरिकांना केले.