केंद्रिय मंत्री प्रतापराव जाधव यांनी निर्देशीत केल्याप्रमाणे आयुष मंत्रालयाच्या होमीओपॅथी आयुर्वेद, युनानी च्या पथकाने केस गळती रुग्णांशी साधला संवाद. 

बुलढाणा:- आपलं बुलढाणा जिल्हा बातमी:- केस गळती व टक्कल आजारावर संशोधन करण्याच्या दृष्टीकोनातुन केंद्रीय आयुष मंत्रालयाचे पथक जिल्हयात दाखल झाले असुन त्यांनी टक्कल ग्रस्त गावातील रुगणांशी हितगुच करुन माहिती संकलीत करण्याचे काम करत आहे. तर भारतीय वैद्यकिय संशोधन परिषद अर्थात ICMR च्या शास्त्रज्ञांचे दिल्ली आणि चेन्नई चे पथक आज दाखल होणार आहे. बुलढाणा जिल्हयातील शेगांव तालुका अंतर्गत येणाऱ्या पहुरजिरा, कालवड, कठोरा, भोनगांव, बोंडगांव यांसह 11 गांवामध्ये नागरीकांचे केस गळती होऊन टक्कल पडत असल्याची समस्या निर्माण झाली होती. या गावांना 11 जानेवारी रोजी केंद्रीय आयुष आरोग्य व कुटूंब कल्याण राज्यमंत्री प्रतापराव जाधव यांनी भेट देऊन बाधीत रुग्णांना धिर देत या विचीत्र आजाराच्या संशोधनासाठी आयुष आणि भारतीय वैद्यकिय संशोधन परिषदेची टिमला आदेशीत केले होते. 13 जानेवारीला आयुष मंत्रालया अंतर्गत येणाऱ्या प्रादेशिक होमीओपॅथी संशोधन संस्था नवि दिल्ली आणि केंद्रिय होमीओ परिषदेची शास्त्रज्ञाची टिम शेगांव तालुक्यात दाखल झाली आहे. यामध्ये युनानी होमीओपॅथी आणि आयुर्वेदीकचे तज्ञांचा समावेश असुन डॉ.हिंकल कौर, डॉ.प्रियंका सुर्यवंशी, डॉ.तेजस्वीनी पाटोळे यांच्या मार्गदर्शनाखाली केस गळती गावातील रुग्णांशी चर्चा करुन माहिती संकलीत करीता आहे. दरम्यान राज्याचे आरोग्य उपसंचालक डॉ.भंडारी, सहाय्यक संचालक डॉ.आर.पी.पुलवार यांनी केस गळती गावांना भेटी देऊन रुग्णांशी संवाद साधला. या आजाराविषयी घाबरुन न जाता आरोग्य विभागाच्या पथकांना सहकार्य करण्याचे आवाहन केले.

          ICMR चे पथक आज होणार दाखल…

भारतीय वैद्यकिय संशोधन परिषद अर्थात ICMR दिल्ली आणि चेन्नई चे पथक आज 14 जानेवारी रोजी जिल्हयातील शेगांव येथे दाखल होणार आहे. या पथकामधील तज्ञ संशोधलक केस गळती भागातील बाधीत रुग्णांशी संवाद साधुन हा प्रकार कशामुळे झाला. त्याच मुळ शोधुन प्रादुर्भाव रोखण्याचे दृष्टीने काम करणार आहे. या विशेष पथकामध्ये डॉ.मनोज मुऱ्हेकर (ICMR-नॅशनल इन्स्टिट्यूट ऑफ एपिडेमियोलॉजी, चेन्नई) , डॉ. सोमेश गुप्ता (एम्स, नवी दिल्ली), डॉ सुमित अग्रवाल (ICMR, नवी दिल्ली), डॉ. शीला गोडबोले (ICMR-नॅशनल इन्स्टिट्यूट ऑफ ट्रान्सलेशनल व्हायरोलॉजी, पुणे) ,डॉ राज तिवारी (ICMR-नॅशनल इन्स्टिट्यूट ऑफ रिसर्च इन एन्व्हायर्नमेंटल हेल्थ, भोपाळ) , डॉ सुचित कांबळे (ICMR-नॅशनल इन्स्टिट्यूट ऑफ ट्रान्सलेशनल व्हायरोलॉजी, पुणे) यांचा या विशेष पथकामध्य यांचा समावेश आहे.