बुलढाणा शहरात इंदिरा IVF सेंटरचे भव्य उद्घाटन…

बुलढाणा:- आपलं बुलढाणा जिल्हा बातमी:- बुलढाणा शहरात आता नि:संतान जोडप्यांसाठी एक आशेचा किरण उगवला आहे! भारतातील आघाडीच्या इंदिरा IVF केंद्रांपैकी एक असलेल्या इंदिरा IVF सेंटरने नुकतेच बुलढाणा शहरात असलेल्या सर्कुलर रोड जवळ धाड नाका जवळ इंदिरा IVF सेंटरचे आपल्या अत्याधुनिक केंद्राचे थाटामाटात उद्घाटन केले.

या नवीन केंद्रामुळे बुलढाणा जिल्ह्यातील आणि आसपासच्या परिसरातील जोडप्यांना आता बांझपन निवारणासाठी उच्च दर्जाचे उपचार सहज उपलब्ध होणार आहेत. जागतिक स्तरावरील तंत्रज्ञान आणि अनुभवी डॉक्टरांची टीम या सेंटरमध्ये असणार आहे, ज्यामुळे IVF आणि संबंधित उपचार अधिक यशस्वी होण्याची शक्यता वाढेल.

उद्घाटन समारंभात बोलताना इंदिरा IVF सेंटरच्या व्यवस्थापन टीमने सांगितले की, “आम्ही नेहमीच सर्वसामान्यांपर्यंत उत्कृष्ट दर्जाचे प्रजनन उपचार पोहोचवण्याचा प्रयत्न करत असतो. बुलढाणा हे नवीन केंद्र याच ध्येयाचा भाग आहे. आम्हाला विश्वास आहे की या सेंटरमुळे अनेक जोडप्यांना त्यांच्या कुटुंबाचे स्वप्न पूर्ण करता येईल.”

या सेंटरमध्ये प्रगत प्रयोगशाळा, आरामदायक वातावरण आणि समुपदेशनाची सोय देखील उपलब्ध असेल, ज्यामुळे रुग्णांना उपचारादरम्यान मानसिक आधार मिळेल. इंदिरा IVF सेंटरच्या या उपक्रमामुळे निश्चितच अनेक नि:संतान जोडप्यांच्या जीवनात आनंद आणि आशेची नवी पहाट येईल.

या कार्यक्रमाला प्रमुख पाहुणे म्हणून जिल्हा शैल्य चिकित्सक डॉक्टर भागवत भुसारे, डॉक्टर कैलास जिने, डॉक्टर प्रशांत पाटील, डॉक्टर अजित शिरसाट हे उपस्थित होते.